మర్చిపోలేని 2010
కోటి ఆశలతో కొత్త సంవత్సరం మరి కొద్ది గంటల్లో రానుంది.ఎన్నో సంవత్సరాలు వచ్చి పోతూ
కాలగర్భంలో కలసిపోతుంటాయి.కానీ కొన్ని
మాత్రం మరపురాని అనుభూతిని
మిగిల్చి వెళ్తాయి.నా వరకూ ఈ 2010 సంవత్సరం అలాంటిదే.
చాలా రోజుల క్రితం మా బాబు ఇంగ్లీష్ లో డిజైన్ చేసుకున్న బ్లాగ్ చూసి
తెలుగులో కూడా ఉంటాయేమో అని గూగులమ్మని అడిగితే కూడలిని
చూపించింది. అప్పటినుండి నాకూ ఒక బ్లాగ్ రూపొందించుకోవాలని
మొదలైన చిన్నఆశ నెరవేరి,అన్నీ నేర్చుకుని ఎలాగైతే నవంబర్ లో బ్లాగ్
లోకం లోకి అడుగు పెట్టగలిగాను. ప్రస్తుతం నా స్థితి తప్పటడుగులు
వేస్తున్న పసిపాప పరిస్థితే.ఇంకా ఎన్నో నేర్చుకోవాలి.
ఈ రెండు నెలల్లో ఏదో తెలియని ఆనందం,అనుభూతి,
ఉద్వేగం. నాకంటూ ఒక ప్రపంచాన్ని చూపిన ఈ సంవత్సరం నాకు ఎప్పటికీ ఒక తీయని
జ్ఞాపకంగా మిగిలిపోతుంది.నా ఈ తొలి
ప్రయాణంలో స్వాగతించి,స్నేహ పరిమళాలు
పంచుతున్న ప్రతి ఒక్కరికీ,ఈ బ్లాగ్ డిజైన్
చేసిపెట్టిన మా బాబుకూ నా కృతజ్ఞతలు.
థాంక్ యూ వెరీ మచ్.
Post a Comment
0 comments:
Post a Comment